सोमवारी सकाळी गीता बामंदे या मॉर्निंग वॉकला जात असताना सफरचंदाने भरलेल्या मलकापूरकडून चिखलीकडे जाणाऱ्या भरधाव ट्रकने (क्र. पीबी ०३, बीबी ८१३९) त्यांना चिरडले. यात त्यांचा जागीच मृत्यू झाला. ट्रकचालकाने घटनास्थळावरून पळून जाण्याचा प्रयत्न केला. मात्र, नागरिकांनी आरडाओरड केल्याने गर्दी जमली. हाकेच्या अंतरावर असलेल्या शहर पोलिसांनी ट्रकचालक बब्बूसिंग प्रेमसिंग अहेर (रा. वॉर्ड नं. २, सिहम भुटलाटा मानसा, पंजाबपट्टी) यास अटक केली आहे. बामंदे यांचा मृतदेह उत्तरीय तपासणीसाठी जिल्हा रुग्णालयात पाठविण्यात आला आहे.
मॉर्निंग वॉकवेळी सावधगिरी बाळगा
बुलडाणा शहरातील अनेकजण सकाळीच मॉर्निंग वॉकला जातात. काही जण चिखली रोडवर, तर काही मोताळा रोडवर जातात. मात्र, याच रस्त्यावरून सकाळी मालवाहू वाहने अतिवेगाने धावत असल्याचे चित्र आहे. तेव्हा मॉर्निंग वॉकला जाताना वयोवृद्धांसह लहान मुलांनी सावधगिरी बाळगण्याची गरज आहे. पोलिसांनी अशा जड वाहनांवर कारवाई करण्याची गरज निर्माण झाली आहे.