जिल्ह्यात ८ जण पॉझिटिव्ह, एकाची कोरोनावर मात

पॉझिटिव्ह आलेल्यांमध्ये देऊळगाव राजा शहरातील एक, खामगाव एक, शेगाव एक, चिखली एक, धोत्रा एक, लोणार तालुक्यातील कोथळी येथील एक आणि जालना जिल्ह्यातील भोकरदन तालुक्यातील दहीगाव येथील एक, नाशिक जिल्ह्यातील एकाचा समावेश आहे. कोरोनावर मात केल्यामुळे एकास रुग्णालयातून गुरुवारी सुटी देण्यात आली.

दुसरीकडे आजपर्यंत तपासणी करण्यात आलेल्या संदिग्धांपैकी ६ लाख ९३ हजार ९०९ जणांचे अहवाल निगेटिव्ह आले आहेत. आजपर्यंत ८६ हजार ७०० बाधितांनी कोरोनावर मात केली आहे. अद्यापही १ हजार ३५० संदिग्धांच्या अहवालाची प्रतीक्षा आहे. जिल्ह्यातील एकूण कोरोनाबाधितांची संख्या आता ८७ हजार ४४७ झाली आहे. त्यापैकी ७४ सक्रिय रुग्णांवर उपचार करण्यात येत आहेत. जिल्ह्यात आजपर्यंत ६७३ जणांचा कोरोनामुळे मृत्यू झालेला आहे.