शेगाव: पावसाळा आता तोंडावर आहे. नैसर्गिक आपत्ती या मोसमात गृहित धरली जाते. आपत्ती आल्यास बचावासाठी तयारी व सक्षम यंत्रणा उभी करण्याचे कार्य शेगाव तहसील मार्फत सुरु झालेले असून ही कामे अंतिम टप्प्यात आहे. पावसाळ्यात कधी पूरग्रस्त वा संकटाची अन्य परिस्थिती निर्माण होईल, हे सांगता येत नाही. यंत्रणा संकट येणारच आहे, असे गृहित धरून तत्पर रहावे लागते या साठी शेगाव तहसीलने सतर्कते मध्ये बाजी मारली आहे. शेगाव तालुक्यात आपत्ती व्यवस्थापन यंत्रणेकडे उपलब्ध असलेली साधनसामग्री फक्त लाइफ जॅकेट- ६,लाइफ बोयाज (रिंग)-६ एवढेच आहे. मात्र साधन सामुग्री नाही म्हणून गप्प बसण्यापेक्षा तहसीलदार डॉ.पुरी यांनी आपत्ती व्यवस्थापना चा स्वताचा पायलट प्रोजेक्ट तालुक्क्यात राबवीला असल्याने काहीही नसतांना शेगाव कडे सर्व काही असल्याचे दिसून येते. पोहणार्‍यांच्या यादीची तयारी गावपातळीवरील उर्वरित आराखडे तयार केले जात आहेत. पोहता येणार्‍यांची गावनिहाय यादी केली आहे. उपलब्ध साधनसामग्री, महत्त्वाच्या दूरध्वनी क्रमांकांची यादी तयार केली आहे. पाऊस मोजण्यासाठीची यंत्रणा अद्ययावत करण्याबाबतचे आदेशही देण्यात आले आहेत. पूररेषांची आखणी करून अतिक्रमण काढण्याच्या सूचनाही करण्यात आल्या. पोलिस, गृहरक्षक दलासही सतर्क राहण्याचे आदेश देण्यात दिले आहेत. त्यांच्या या प्रोजेक्ट मुळे तालुक्कयात कोठे कुठलीही घटना घडल्यास ही यंत्रणा कामी येणार आहे.
आपत्कालीन स्थितीची माहिती लवकरच ऑनलाइननागरिकांना घरबसल्या आपल्या भागातील आपत्कालीन स्थितीची माहिती ऑनलाइन देता येणे आता शक्य होणार आहे. एखाद्याने आपत्कालीन स्थितीची माहिती अपडेट करताच तातडीने त्याबाबतचा एसएमएस आपत्ती व्यवस्थापन अधिकार्‍यांच्या मोबाईलवर पोचणार आहे. त्यामुळे संबंधितांपयर्ंत तत्काळ मदत पोचविणे शक्य होणार असल्याची माहिती डॉ.पुरी यांनी दिली.