चिखली : चिखली मतदारसंघात विकासाचे पर्व सुरु झाले असून आमदार श्वेता महाले यांच्या प्रयत्नातून चिखली कोट्यवधी रूपयांच्या विकासकामांना मान्यता मिळालेली आहे. याद्वारे मतदारसंघाचा अविकसित चेहरा मागे पडणार आहे़ त्यामुळे आ. महाले यांच्या प्रयत्नातून अवघा मतदार संघातून चेहरा-मोहरा बदलून विकासशील चिखली म्हणून नावलौकिक होणार आहे, असे प्रतिपादन भाजपचे जेष्ठ नेते सतीष गुप्त यांनी केले.
आ. महाले यांच्या आमदार निधीमधून चिखली शहरात २४ ठिकाणी हायमास्ट लाईट बसविण्यात येत असून या कामाचा शुभारंभ भाजपाचे जेष्ठ नेते तथा चिखली अर्बन बँकचे अध्यक्ष सतीष गुप्त यांच्या हस्ते पार पडले. यावेळी ते बाेलत होते. श्रेय घेण्याच्या चढाओढीमध्ये न पडता त्यांनी कामांचे श्रेय कार्यकर्त्यांना दिले आहे. त्यांनी त्यांच्या प्रयत्नांनी आणलेल्या विकास कामांचे भूमिपूजन पदाधिकारी व कार्यकर्त्यांच्या हातून घेण्याची महाराष्ट्रातील नव्हे तर भारतातील पहिली घटना असल्याची प्रतिपादन सतीष गुप्त यांनी केले. यावेळी पं. स. सभापती सिंधू तायडे, शहराध्यक्ष तथा नगरसेवक पंडितराव देशमुख, नगरसेवक गोविंद देव्हडे, शैलेश बाहेती, सुदर्शन खरात, सतीष खबुतरे, नामू गुरूदासाणी, सुभाषआप्पा झगडे, पंजाबराव धनवे, युवा मोर्चा तालुकाध्यक्ष संतोष काळे, संजय आतार, सिद्धेश्वर ठेंग, सचिन शेटे, किरण पवार, सुरेश इंंगळे, अक्षय भालेराव, कैलास सपकाळ, रवींद्र वानखेडे यांची उपस्थिती होती. आमदार निधीतून चिखली शहरात २४ ठिकाणी हायमास्ट लाईट बसविणार येणार आहे. यामध्ये आण्णाभाऊ साठे चौक, खंडाळा रोड गजानन महाराज मंदिर, गांधी नगर हनुमान मंदिर, गोपाल किराणा, आदर्श शाळा, गोरक्षण वाडी, चर्चच्या मागे, चावडी जवळ, जिजाऊ नगर गणपती मंदिर, जुनागाव स्मशानभूमी, रेणुकादेवी मंदिर परिसर, नगरपालिका नूर चौक, बसवेश्वर चौक, बाजार समिती, बारभाई मोहल्ला, बैलजोडी, माळीपुरा कालिका देवी मंदिर, राऊत वाडी स्टॉप, वडारवाडी, वीर सावरकर पुतळा, शाहू नगर, सरकारी दावाखाना, सिंधी कॉलनी, राऊतवाडी स्मशानभूमी,, सैलानी नगर आदी ठिकाणचा समावेश असल्याने अवघे शहर उजाळणार आहे. (वा़ प्र )