सवना : प्रोॲक्टिव्ह अबॅकस राष्ट्रीय स्पर्धा ऑनलाईन स्वरूपात पार पडली. या स्पर्धेत सवना येथील आयुष अजय करवंदे याने विदर्भातून प्रथम क्रमांक पटकावला.
देशभरातून २१०० विद्यार्थ्यांनी सहभाग नोंदविला होता. या स्पर्धेमध्ये फिनिक्स प्रोॲक्टिव्ह अबॅकस सवना आणि चिखली या दोन्ही शाखांमधून १४ विद्यार्थी सहभागी झाले होते. यामध्ये राष्ट्रीय स्पर्धेमध्ये लहान गटामध्ये आयुष अजय करवंदे हा विदर्भातून पहिला आला. त्याला पदक आणि ट्रॉफीने सन्मानित केले जाणार आहे. तसेच मोठ्या गटामध्ये प्रतीक्षा महेश करवंदे, करण ज्ञानेश्वर सवडे, कृष्णा विजय गाढवे हे ट्रॉफीचे मानकरी ठरले. तसेच इतर सहभागी विद्यार्थी खुशी शरद हाडे, लावण्या सूर्यकांत करवंदे, अक्षरा दिलीप सुरडकर, पार्थ किरण करवंदे, नैतिक कृष्णदास सुरोशे, यश ज्ञानेश्वर करवंदे, यश विकास खंडागळे, सोहम लक्ष्मीकांत करवंदे, गणेश राजेंद्र जाधव, प्रणव सूर्यकांत करवंदे या सर्वांनी चांगले गुण प्राप्त केले आहेत.