अनुषंगिक विषयान्वये मुंबई येथील जलसंधारण मंत्र्यांच्या दालनात शुक्रवारी बैठक पारपडली. त्यावेळी ही तत्वत: मान्यता देण्यात आली आहे. बुलडाणा व मोताळा तालुका हा जिगाव प्रकल्पाच्या कॅचमेंट एरियात येतो. त्यामुळे या पट्ट्यात साठवण तलावाला परवानगी मिळत नाही. त्यामुळे बुलडाणा विधानसभा मतदार संघातील वनपरिसरातील अनेक ठिकाणी पाणी नसल्याने हिंस्त्र प्राण्यांचा पाण्याचा शोधात परिसरातील गावालगत वापर वाढतो. त्यातून जीवित हानी तथा वित्त हानी होत आहे. ते टाळण्यासाठी ‘दरी ते बांध’ ही संकल्पना राबविण्याचे विचाराधीन होते. त्याचा पाठपुरावा आ. गायकवाड यांनी केला. या संदर्भात आता जलसंधारण मंत्री सकारात्मक असल्याचे या बैठकीनंतर स्पष्ट झाले. बुलडाणा व मोताळा तालुक्यात सिंचनाच्या दृष्टीने ७ पाझर तलाव निर्माण करण्यात येणार आहे. बुलडाणा विधानसभा मतदार संघात डोंगरी भागातील वनपरिक्षेत्र परिसरात दरी तेथे बांध बांधण्यात येणार आहे.
या बैठकी जलसंधारण विभागाचे सचिव, जलसंधारण विभागाचे अधिकारी फुलंब्रीकर, जिल्हा संधारण अधिकारी अमोल मुंढे, मयुर बाहेकर उपस्थित होते.
--असे राहतील बांध--
डोंगरखंडाळा परिसरात पाच तलाव, गिरडा परिसरात पाच साखळी बांध, मोताळा तालुक्यात मूर्ती येथे तलाव, बुलडाण्या लगतच्या ऋषी खोरा व राजूर भागातील
खोऱ्यात हे बांध राहणार आहे. या प्रकल्पामुळे मुर्ती परिसरात २५० हेक्टर जमीन, डोंगरखंडाळा येथे ४०० हेक्टर, गिरडा परिसरात ४०० हेक्टर जमीन व व ऋषी खोऱ्यातील खडकी, राहेरा, व दाभा येथे ३०० हेक्टर जमीन सिंचनाखाली येईल, असे गायकवाड यांनी स्पष्ट केले.