बीबी पोलीस स्टेशनचे वार्षिक निरीक्षण

ठाणेदार तावरे यांनी बनसोडे यांचे स्वागत केले. पोलीस स्टेशनचे वार्षिक निरीक्षण असल्याने पोलीस अधीक्षक अरविंद चावरिया यांच्या निर्देशाप्रमाणे बुलडाणा जिल्हा अप्पर पोलीस अधीक्षक बजरंग बनसोडे व उपविभागीय पोलीस अधिकारी विलास यामावार यांनी २० फेब्रुवारी रोजी पोलीस स्टेशन बीबी येथील कामकाजाची माहिती जाणून घेतली. त्यानंतर अप्पर पोलीस अधीक्षकांनी पोस्टेचे कामकाज दफ्तर, गुन्हे तपासणी, अभिलेख तपासणी करून पोलीस अधिकारी अंमलदार यांच्या अडीअडचणी ऐकून त्यांना मार्गदर्शन केले. नंतर पोलीस स्टेशन हद्दीतील पोलीस पाटील यांची बैठक आयोजित करून त्यांच्या अडचणी सोडविल्या. यावेळी पोलीस स्टेशनची रंगरंगोटी करून साफसफाई करून सजावट करण्यात आली होती. याकरिता बीबी पोस्टेचे ठाणेदार एल. डी. तावरे, पीएसआय सादिक, व्यवहारे व पोलीस अंमलदार उपस्थित होते.