मासरुळ येथे अण्णाभाऊ साठे जयंती साजरी

लोकशाहीर अण्णा भाऊ साठे व मासरूळ गावातील थोर पुरुषांच्या प्रतिमेचे पूजन करण्यात आले. हिराताई महाले यांच्या स्वागत गीताने कार्यक्रमाला सुरुवात करण्यात आली. यावेळी कार्यक्रमाचे अध्यक्ष व प्रमुख मान्यवरांनी आपल्या मनोगतातून लोकशाहीर अण्णाभाऊ साठे यांच्या समाजकार्याची माहिती देऊन त्यांच्या जीवनचरित्रावर प्रकाश टाकला. पंचक्रोशीतील मातंग समाजाच्या नेते मंडळी यांनी आपल्या मनोगतातून मातंग समाजाच्या विकासासाठी आपल्या मागण्या, अपेक्षा यावेळी व्यक्त केल्या. कार्यक्रमाचे संचालन प्रा.अरुण गुळवे व विरू महाले यांनी केले. या कार्यक्रमाला पंंचायत समिती सदस्य दिलीप सिनकर, मासरुळ सरपंच शंकुतला महाले, सरपंच शेषराव सावळे, जुलालराव देशमुख, भाऊराव गुळवे, वामनराव नरोटे यांच्यासह पंचक्रोशीतील मातंग समाजाच्या माता भगिनी, बांधव, मासरुळ येथील गावकरी, शिवसेना पदाधिकारी व कार्यकर्ते मोठ्या संख्येने उपस्थित होते.