८२ हजार मातीचे नमुने तपासणार

मृद आरोग्य पत्रिका अभियान; तेरा तालुक्यातील २९३ गावांचा समावेश.

नीलेश शहाकार / बुलडाणा : शेतजमिनीचे आरोग्य अबाधित राखण्यासाठी शासनाकडून मृद आरोग्य पत्रिका अभियान राबविण्यात येत आहे. यातून प्रत्येक शेतकर्‍याला त्यांच्या शेताची मातीची आरोग्य पत्रिका देण्यात येणार आहे. तीन वर्षात जिल्ह्यातील २९६ गावातून ८२ हजार २५९ मातीचे नमुने तीन प्रयोगशाळेतून तपासली जाणार आहे. सन २0१५-१६ या वर्षासाठी २७ हजार नमुन्याचे उद्दिष्ट ठेवण्यात आले आहे. रासायनिक खतासह अन्य बाबींच्या अतिवापरामुळे खालावलेले जमिनीचे आरोग्य सुधारण्यासाठी केंद्र शासन यंदापासून ह्यमृद आरोग्य पत्रिकाह्ण अभियान राबवित आहे. या अभियानातून बुलडाणा जिल्ह्यामध्ये ७ लाख ४८ हजार ३४२ हेक्टर क्षेत्रातून ८२ हजार २५९ माती नमुने तपासले जाणार असून, जवळपास ५ लाख ४८ हजार ६६६ शेतकर्‍यांना जमीन आरोग्य पत्रिका दिली जाणार आहे. तीन वर्षे हा उपक्रम सुरू राहणार असून, यंदा पहिल्या वर्षी २९६ गावांतील २७ हजार ७४७ माती नमुन्यांची तपासणी करण्याचे कृषी विभागाने नियोजन केले आहे. रासायनिक खतांच्या अतिवापरामुळे जिल्ह्यातील जमिनीचे आरोग्य बिघडले असून, त्याचा उत्पादनावर गंभीर परिणाम होत आहे. रासायनिक खताचा वापर कमी करून मृद तपासणीच्या आधारावर अन्नद्रव्यांच्या कमतरतेनुसार खताच्या संतुलित मात्रा मिळावी. जैविक खते, सेंद्रिय, गांडूळ, निंबोळी, सल्फर अच्छादित युरियासारख्या संथगतीने नत्र पुरवठा करणार्‍या खताच्या वापरास प्रोत्साहन देणे, एकात्मिक अन्नद्रव्य व्यवस्थापनाद्वारे पिकांच्या उत्पादकतेत वाढ करण्यासाठी जिल्ह्यात मृद आरोग्य पत्रिका अभियानह्ण राबवित येत आहे. यामुळे शेतकर्‍यांचा फायदा होणार असून, त्यांना पेरणीचे नियोजन करता येईल.