बुलडाणा जिल्ह्यात १२४ ग्रामपंचायती अस्वच्छ !

जिल्हा परिषदेकडून मिळाले पिवळे कार्ड; कोणत्याही ग्रामपंचायतीला लाल कार्ड नाही!

हर्षनंदन वाघ /बुलडाणा: कोणतेही साथरोग पसरू नयेत, यासाठी जिल्हा परिषदेतर्फे विविध उपाययोजना आखल्या जातात. त्या अंतर्गत ग्रामपंचायतींच्या जलस्त्नोतांची तपासणी करण्यात येते. यामध्ये पाणीपुरवठा स्त्नोतांजवळ अस्वच्छता, हलगर्र्जी दिसून आल्याने जिल्ह्यातील १२४ ग्रामपंचायतींना पिवळे कार्ड दिले आहे. माहे मे महिन्यात झालेल्या सर्व्हेतून ही माहिती समोर आली असून, जिल्ह्यातील ८६९ ग्रामपंचायतींपैकी कोणत्याही ग्रामपंचायतीस लाल कार्ड मिळाले नाही, ही एक आशादायक बाब आहे. जिल्हा परिषदेच्या पाणी व स्वच्छता मिशन विभागातील पाणी गुणवत्ता व स्वच्छता विभागामार्फत मे व डिसेंबर महिन्यात हा सर्व्हे केला जातो. त्यानंतर ग्रामपंचायत, आरोग्य विभाग यांच्यावतीने पावसाळ्यापूर्वी त्याची पाहणी करून सुधारणा करण्यासाठी प्रयत्न केले जातात. पिवळे कार्ड मिळालेल्या ग्रामपंचायतींमध्ये सुधारणा व्हाव्यात, यासाठी मुख्य कार्यकारी अधिकार्‍यांमार्फत गटविकास अधिकार्‍यांना पत्ने पाठविण्यात आली. गटविकास अधिकारी, तालुका आरोग्य अधिकारी, पाणीपुरवठा विभागाचे शाखा अभियंता यांच्यामार्फत संबंधित ग्रामपंचायती, सरपंच, सदस्य, ग्रामसेवकांना या परिस्थितीत तत्काळ बदल करण्याच्या सूचनाही दिल्या असल्यामुळे पिवळे कार्ड मिळालेल्या ग्रामपंचायतींची संख्या डिसेंबर महिन्यात कमी होणार आहेत.