कवडसी, परसोडी येथे वृक्षारोपण

भंडारा : ग्राम कवडसी, तसेच ग्राम परसोडी येथे युवक बिरादरी भंडारा यांच्या वर्धापन दिनानिमित्त व स्व.मनोज दाढी यांच्या स्मृतिप्रीत्यर्थ कवडसी ग्रामपंचायतीसमोरील भव्य पटांगणामध्ये वृक्षारोपण करण्यात आले, तसेच परसोडी मानव मंदिर येथेही वृक्षारोपण करण्यात आले. या निमित्ताने प्रमुख अतिथी म्हणून पवन मस्के यांनी युवकांना प्रेरणा देत, युवक बिरादरीतर्फे जे गाव दत्तक घेतले आहेत, त्यांना विविध स्पर्धेत भाग घेऊन त्यांना पुढाकार घेण्याचा आग्रह केला. त्यांनी युवकांना योग्य मार्गदर्शन केले. कार्यक्रमाचे उद्घाटक पोलीस निरीक्षक पंकज बैसाणे, तसेच सामाजिक कार्यकर्ते पवन मस्के, चंद्रशेखर दुरुगकर, वर्षा दाढी, वनरक्षक आर.टी. मेश्राम., माजी सभापती प्रेमदास वनवे, रघुपती फंदे, सामाजिक कार्यकर्ता अशोक खोब्रागडे उपस्थित होते. कार्यक्रमाकरिता युवक बिरादरी भंडारातर्फे सुरेंद्र कुलरकर, विशाल वाघमारे, उमेश साखरवाडे, अश्विनी शंभरकर, श्वेता घोडीचोर, श्रावणी पवार, श्वेता ठोंबरे यांनी सहकार्य केेले.