आमचा गाव आमचा विकास प्रशिक्षण

उद्घाटन सरपंच सुषमा पवार यांच्या हस्ते करण्यात आले. यावेळी ग्रामविकास अधिकारी एच.डी. सतदेवे, तज्ज्ञ प्रशिक्षक वसंत साठवणे, शहापूर येथील केंद्रप्रमुख पुष्पलता भोयर उपस्थित होते. या प्रशिक्षण शिबिरात पंचवार्षिक कृती आराखडा कसा तयार करावयाचा याबाबत प्रशिक्षण दिले. यात मनरेगा, महिला बालकल्याण, शाळा, अंगणवाडी, ग्रामीण पाणी पुरवठा व आरोग्य व स्वच्छता, राष्ट्रीय ग्रामीण पाणीपुरवठा, जिल्हा विकास निधी, एकात्मिक बाल विकास, ग्राम सामाजिक परिवर्तन इत्यादी आराखडा विषयी प्रशिक्षण देण्यात आले. या प्रशिक्षणाला ठाणे जिल्हा परिषद क्षेत्रांतर्गत ग्रामपंचायतीमधील स्वयंसहाय्यता गटाच्या ग्राम संघाचे अध्यक्ष, सचिव व कोषाध्यक्ष, अंगणवाडी सेविका, ग्राम बाल सुरक्षा समितीचे सदस्य, समूह संसाधन व्यक्ती, ग्रामरोजगार सेवक, सचिव, ग्रामपंचायत सदस्य, मुख्याध्यापक सहभागी झाले होते. संचालन एच.डी. सतदेवे यांनी केले.