लाखो रुपयांचे नुकसान : वादळामुळे अनेक घरावरील छत कोसळले साकोली : शुक्रवारी दुपारी अचानक तालुक्यात गारपीटसह वादळीवारा व पावसाने दमदार हजेरी लावली. हे वादळ एवढे जोरदार होते की, तालुक्यातील अनेक घरांचे छत उडाले तर फुटपाथवरील पानटपरी व छोटीमोठी दुकाने जमीनदोस्त झाली. यात आकाश सुधाकर वाघाडे (१६) हा पानटपरीखाली दबल्याने गंभीर जखमी झाला. एवढेच नव्हे तर ठिकठिकाणी झाडे रस्त्यावर पडली. तर साकोली लाखांदूर व भंडारा मार्गही थोडावेळ बंद होता. या वादळामुळे तालुक्यात लाखो रुपयाचे नुकसान झाले. जिल्ह्यातही दुपारी ३ वाजताच्या तप्त उन्ह असताना पावसाला सुरूवात झाली. या पावसामुळे उकाड्यात काही प्रमाणात घट झाली. मात्र वीज पुरवठा खंडित होण्याच्या वाढत्या प्रकारामुळे नागरिक त्रस्त झाले आहेत. (तालुका प्रतिनिधी)
साकोली तालुक्यात गारपीट
By admin | Updated: May 28, 2016 00:31 IST