तालुक्यातील बेलाटी येथील शासकीय जमीन गट क्रमांकावर आदी शासकीय भुखंडांवर गत ५० वर्षापुर्वीपासून काही कुटुंब अतिक्रमीत घरात कुटुंबासह वास्तव्यास आहेत. गत अनेक वर्षापासून या अतिक्रमीत घरात कुटुंबासह निवासी सोयीने वास्तव्यास असतांना येथील ग्राम पंचायत अभिलेखात कराची नोंद देखील करण्यात आली आहे. मात्र सदर घरांच्या जमिनीचे मालकी पट्टे नसल्याने सदर कुटुंब शासनाच्या विविध योजनांसह निवडणूक प्रक्रियेतील उमेदवारी पासून वंचित आहेत.
यासबंध गैरसोयींची दखल घेत शासनाने तालुक्यातील बेलाटी येथील कुटुंबांना मालकी पट्टे देण्यासाठी आवश्यक कार्यवाई करण्याची मागणी निवेदनातून करण्यात आली आहे. लाखांदुरचे तहसिलदार अखिलभारत मेश्राम यांना निवेदन देतांना प्रहार संघटनेचे जिल्हा उपप्रमुख धनराज हटवार, तालुका युवा प्रमुख अविश शेंडे , बेलाटी शाखाप्रमुख अरविंद राऊत, जनसंपर्क प्रमुख खेमराज भुते यासह अन्य पदाधिकारी कार्यकर्ते व नागरिक उपस्थित होते.