डिजीटल ‘गेम शो’चे बक्षीस वितरण

लोकमत बाल विकास मंचतर्फे येथील सार्वजनिक वाचनालयात डिजीटल इंडीया सेमीनार व गेम शो चे आयोजन करण्यात आले होते.

भंडारा : लोकमत बाल विकास मंचतर्फे येथील सार्वजनिक वाचनालयात डिजीटल इंडीया सेमीनार व गेम शो चे आयोजन करण्यात आले होते. जिल्ह्यातील सदस्य व त्यांच्या कुटुंबीयांनी कार्यक्रमात उत्स्फूर्त प्रतिसाद नोंदविला. विजयी स्पर्धकांना बक्षीस, भेटवस्तू व प्रमाणपत्र देऊन गौरविण्यात आले.डिजीटल गेम शोमध्ये विद्यार्थ्यांना दिलेले कौशल्य संगणकाच्या मदतीने सादर करून पालकांना ते अचूक ओळखायचे होते. यात डिफार्इंग साँगमध्ये मुलगी व आईची जोडी नंदिनी व किरण भावसार, डिफार्इंग थिम्समध्ये मुलगा व वडीलांची जोडी प्रथम व दिनेश साकुरे आणि मुलगा व आईची जोडी भावेश व अंजली गडरिये संयुक्तरीत्या प्रथम. सखी गटात मिनल कारेमोरे प्रथम तर प्रश्नोत्तर फेरीत प्रथमेश भुरे प्रथमस्थानी विजयी ठरले. बक्षीस वितरण वेळी मेन्टोर व्ह्युव इन्स्टिट्युटचे संचालक कुणाल न्यायखोर यांनी बाल विकास मंच सदस्यांकरिता दोन दिवसीय इंटरनेट कोर्स, युवा नेक्स्ट सदस्यांकरिता स्पर्धा परीक्षा आॅनलाईन टेस्ट व सखी मंच सदस्यांकरिता दोन दिवसीय इंटरनेट कोर्स नि:शुल्क देणार असल्याचे सांगितले. करिता सदस्य ११ ते ५ या वेळेत मिस्कीन टँक गार्डनजवळील मेन्टारे व्ह्यु कॉम्प्युटर इन्स्टिट्युटमध्ये संपर्क करू शकतात. सोबतच कार्यक्रम उपस्थित विद्यार्थी व पालकांना फ्री मेंबरशिप कार्ड प्राप्त करता येतील. विजयी स्पर्धकांना जिल्हा संयोजक ललित घाटबांधे, कुणाल न्यायखोर, केंद्र प्रमुख मोहीत वासनिक यांच्या हस्ते बक्षीस व प्रमाणपत्र वितरित करण्यात आले. कार्यक्रमात मेन्टार व्ह्युवचे विद्यार्थी व कर्मचाऱ्यांनी सहकार्य केले. (मंच प्रतिनिधी)