दुय्यम निबंधक कार्यालयातील डेटा एंट्री, दुरूस्त्या कोरोनामुळे थांबवल्या

नागरिकांनी विभागाच्या संकेतस्थळावर असलेल्या दस्त नोंदणीकरीता पीडीईद्वारे डाटा एंट्री करणे अनिवार्य करण्यात आले आहे. यापुढे दुय्यम निबंधक कार्यालयातील डेटा एंट्री किंवा दुरूस्त्या पूर्णपणे थांबविण्यात येत आहे. नागरिकांनी सदर पीडीईव्दारे डाटा एंट्री करून दस्त नोंदणीसाठी विभागाच्या संकेतस्थळावर ईस्टेप ईन प्रणालीव्दारे दुय्यम निबंधक कार्यालयातील उपलब्ध असलेली सोयीची वेळ ऑनलाईन आगाऊ बुक करून किंवा कार्यालयीन दूरध्वनीवर किंवा सक्षम संपर्क साधून वेळ आरक्षित करणे अनिवार्य करण्यात आले आहे. कोणत्याही परिस्थितीत आगाऊ वेळ आरक्षित केली नसल्यास दस्त नोंदणी होणार नाही. दस्ताचे निष्पादन घरी किंवा कार्यालयाच्या बाहेरच करावे व प्रत्येक व्यक्तीने स्वत:चे पेन आणणे, एकच पेन एकमेकांत सह्यांसाठी वापरू नये, आरक्षित वेळेतच कार्यालयात उपस्थित राहावे, मास्क लावल्याशिवाय कोणत्याही व्यक्तीला कार्यालयात प्रवेश दिला जाणार नाही. मुद्रांक विभागाच्या संकेतस्थळावर लिव्‍ह ॲन्ड लायसन्स ई-रजिस्ट्रेशन प्रणालीचा पर्याय उपलब्ध असल्याने लिव्ह ॲन्ड लायसन्स दस्ताची कार्यालयातील नोंदणी (फिजीकल रजिस्ट्रेशन) पुढील आदेशापर्यंत थांबविण्यात येत आहे, असे सह. जिल्हा निबंधक वर्ग-१ तथा मुद्रांक अधिकारी आर. के. पाटील यांनी कळविले आहे.