०४ लोक १७ के
मोहाडी : मॅग्नीज भरलेल्या ट्रकने येथील वळणावर सायकलस्वारास जोरदार धडक दिली. यात एक इसम गंभीर जखमी झाल्याची घटना रविवारी सायंकाळी ५.३० वाजेच्या सुमारास घडली. सुनील लक्ष्मण पराते (५२), रा. राजेंद्र वॉर्ड, मोहाडी असे जखमीचे नाव आहे. आंधळगावहून चंद्रपूर येथे जात असलेल्या मॅग्नीज भरलेल्या एम.एच. ३६ ए.ए. २०५५ क्रमांकाच्या ट्रकने मोहाडी येथील आशिष पात्रे यांच्या घराजवळील वळणावर विरुद्ध दिशेने येणाऱ्या सायकलला धडक दिली. यात सुनील पराते हे ट्रकच्या समोरील चाकात सापडल्याने त्याच्या पायाच्या मांडीचा पूर्ण चेंदामेंदा झाला. लगेच त्यांना ग्रामीण रुग्णालयात भरती करण्यात आले. मात्र, परिस्थिती गंभीर असल्याने येथील डॉक्टरांनी प्रथमोपचार करून त्यांना भंडाऱ्याला रेफर केले आहे. मोहाडी पोलीस पुढील तपास करीत आहेत.