बुधवारी सायंकाळी ४.३० सुमारास बसस्थानकासमोर फळे घेत असताना चारचाकी (एमएच ३१ सीएन ६३९३ ) ने श्यामकला तितीरमारे (४५) रा. विनोबानगर तुमसर हिला जबर धडक दिली. त्यामुळे त्या गंभीर जखमी झाल्या. त्यांच्यावर प्राथमिक उपचार केल्यानंतर भंडारा येथे हलविण्यात आले. त्यांची प्रकृती सध्या गंभीर आहे.
अपघातानंतर मद्यधुंद कारचालक
कार घेऊन पसार झाला. खापा शिवारात पुन्हा एका सायकलस्वार तरुणीला पुन्हा धडक दिली. यात मोहिनी शेषराव बांते (२३) रा. खापा ही गंभीररीत्या जखमी झाली. मोहिनीला उपचाराकरिता नागपूर येथे हलविण्यात आले. उपचारादरम्यान तिचा गुरुवारी मृत्यू झाला. मोहिनीचे येत्या काही दिवसांत लग्न होणार होते. तिच्या मृत्यूमुळे गावावर शोककळा पसरली आहे.
कारमधील योगेश सिडाम, रा. तुमसर हासुद्धा जखमी झाला. त्याला भंडारा येथे उपचाराकरिता अजून आले. कार चालक आरोपी अद्याप पसार असून कन्हान येथे त्याच्या शोधासाठी पोलिसांचे पथक रवाना झाले आहे. पुढील तपास पोलीस निरीक्षक रामेश्वर पिपरेवार करीत आहेत.