शहरातील नाथ रोडवरील स्वाभिमाननगर परिसरात एक इसम थांबला असू्न त्याच्याकडे गावठी पिस्टल आहे, अशी गुप्त माहिती मिळाल्याने पोलिसांनी घटनास्थळी धाव घेऊन त्यास ताब्यात घेतले व चौकशी केली. संदीप भास्कर फड (३०) असे युवकाचे नाव असल्याचे पोलीस सूत्रांनी सांगितले. त्याची अंगझडती घेतली असता कमरेला ठेवलेले एक गावठी पिस्टल मॅगझीनसह मिळून आले. त्यात काडतूस नव्हते. त्याच्याकडे शस्त्र बाळगण्याचा कोणताही परवाना नव्हता. या प्रकरणी जमादार भास्कर केंद्रे यांनी दिलेल्या फिर्यादीवरून परळी शहर पोलीस ठाण्यात संदीप फड याच्या विरोधात गुन्हा दाखल करण्यात आला. ही कारवाई परळी शहरचे सहायक पोलीस निरीक्षक जी.बी. पालवे यांच्या मार्गदर्शनाखाली डी.बी. पथकाचे जमादार भास्कर केंद्रे, शंकर बुड्डे, गोविंद भताने, तुकाराम मुरकुटे, सुंदर केंद्रे, श्रीकांत राठोड, शरद सूर्यवंशी यांनी केली. या प्रकरणाचा पुढील तपास पोलीस जमादार बालासाहेब चव्हाण हे करीत आहेत. सोमवारी परळी न्यायालयात आरोपीस पोलिसांनी हजर केले असता एक दिवसाची पोलीस कोठडी सुनावली आहे.
===Photopath===
170521\img-20210517-wa0317.jpg
===Caption===
परळीत गावठी पिस्टल जप्त