मनःशांतीसाठी योगसाधना आवश्यक

लोकमत न्यूज नेटवर्क

शिरूर कासार : सध्या सर्वांचा जीवन प्रवास एका ताणतणावाखाली सुरू आहे. त्यात कोरोनासारख्या महामारीने जनजीवन विस्कळीत व भयभीत झाले आहे. अशा वेळी मनःशांतीबरोबर आत्मबल वाढविण्याची गरज असते. त्यासाठी योगा हा एकमेव मार्ग चांगला आहे, असे प्रतिपादन योगाशिक्षक केशव भागवत यांनी केले.

समाजकल्याण विभागाच्या मुलींच्या वसतिगृहात सुरू असलेल्या शासकीय कोविड सेंटरमध्ये उपचार घेत असलेल्या कोरोनाबाधित रुग्णांना जागतिक योगा दिनाच्या निमित्ताने भागवत बोलत होते. त्यांनी योग प्रात्यक्षिकाबरोबर कोणत्या योगामुळे कोणता फायदा होतो, हे समजावून सांगितले.

संतुलन राखल्याने जीवन प्रवास शांत, आनंदी आणि सर्वार्थाने सफल होत आहे. योगामुळे ताणतणाव मुक्ती, प्रतिकारशक्तीत वाढ, सजगतेत वाढ, ऊर्जा वाढ, शरीर लवचिक ठेवणे, वजन कमी करता येते, शारीरिक स्वास्थ्य सुधारणा, असे दहा प्रकारचे फायदे होतात, असेही त्यांनी सांगितले. सूत्रसंचालन विष्णू सव्वासे यांनी केले.

===Photopath===

250621\img-20210622-wa0048.jpg

===Caption===

योगा फायद्याची श्रृंखला