अंबाजोगाई : आरोग्य यंत्रणा अधिक सुसज्ज व गतिमान करण्यासाठी ज्ञानप्रबोधिनीतर्फे लोखंडी सावरगाव येथील कोविड सेंटरला दोन व्हेंटिलेटर व पाच ऑक्सिजन यंत्र अशी एकूण नऊ लक्ष रुपयांची मदत करण्यात आली. या यंत्रांचे रविवारी लोकार्पण करण्यात आले.
ज्ञानप्रबोधिनीतर्फे अतिशय चांगल्या दर्जाचे आणि उच्च गुणवत्तेचे फिलिप्स कंपनीचे दोन व्हेंटिलेटर व ५ ऑक्सिजन सयंत्र यांची मदत देण्यात आली. यासोबतच त्यासाठी लागणारे सयंत्रपण देण्यात आले. याकामी ज्ञानप्रबोधिनी फाउंडेशन अमेरिकेने यासाठी भरीव मदत केली आहे.
दरम्यान, ज्ञानप्रबोधिनीतर्फे स्वामी रामानंद तीर्थ रुग्णालय व लोखंडी सावरगाव येथील कोविड सेंटरला एकूण वीस लक्ष बाहत्तर हजार रुपयांची आरोग्य उपकरणे ज्ञानप्रबोधिनीतर्फे प्रदान करण्याचा संकल्प केला आहे. त्यापैकी नऊ लक्ष रुपयांच्या साहित्याची मदत रविवारी करण्यात आली. याच पद्धतीची अजून दहा लक्ष रुपयांची अशीच उपकरणे स्वामी रामानंद तीर्थ रुग्णालयात ज्ञानप्रबोधिनीच्या वतीने देण्यात येणार आहेत.
याप्रसंगी ज्ञानप्रबोधिनीचे संचालक प्रसाद चिक्षे, सदानंद वालेकर, ज्येष्ठ सामाजिक कार्यकर्ते नंदकिशोर मुंदडा, उपजिल्हाधिकारी शरद झाडके, तहसीलदार विपीन पाटील, डॉ. संजय चव्हाण, नगरपालिकेचे मुख्याधिकारी अशोक साबळे, महिला रुग्णालयाच्या प्रमुख डॉ. अरुण केंद्रे, अधीक्षक डॉ. चंद्रकांत चव्हाण, रेणुका मातेकर, नेहा कुलकर्णी उपस्थित होते.
सामान्य कुटुंबातील रुग्णांना अत्याधुनिक व दर्जेदार रुग्णसेवा उपलब्ध व्हावी, रुग्णसेवेतील अडथळे दूर व्हावेत, यासाठी ज्ञानप्रबोधिनीने पुढाकार घेतला आहे. रुग्णालयातील गैरसोयी लोकसहभागातून दूर करण्यासाठी सुरू असलेले हे काम रुग्णसेवेसाठी दिलासादायक आहे, असे गौरवोद्‌गार सामाजिक कार्यकर्ते नंदकिशोर मुंदडा यांनी काढले. यावेळी शरद झाडके, विपीन पाटील, अशोक साबळे, चंद्रकांत चव्हाण, डॉ. अरुणा केंद्रे यांची भाषणे झाली.
===Photopath===
230521\20210522_123055_14.jpg
===Caption===
ज्ञान प्रबोधिनीतर्फे लोखंडी सावरगाव येथील कोविड सेंटरला दोन व्हेंटिलेटर व पाच ऑक्सिजन यंत्र सुपुर्द करताना पदाधिकारी.