सरपंच सन्मान सोहळा; बँकेची सकारात्मकता

यावेळी भारतीय स्टेट बँकेचे शाखा व्यवस्थापक उमेश आडगांवकर यांनी अत्यंत संवेदनशील काळात ग्राहकांना सेवा देण्याचे काम केले. हा काळ सर्वांसाठी कसोटीचा होता. त्यासाठी नित्याचे कामकाज सांभाळत कर्जमाफी, नवीन कर्जवाटप आणि बँक व्यवस्थापनाच्या आदेशाचे पालन करत कामकाज करताना प्रामुख्याने सरपंचांकडून चांगले सहकार्य मिळाले, असे व्यवस्थापक उमेश आडगांवकर यांनी सांगितले. सभापती बाबुराव केदार, नगराध्यक्ष दत्ता पाटील नगराध्यक्ष यांच्यासह सरपंच शिला आघाव, ओमप्रकाश जोजारे, वैजीनाथ खेडकर, बाबासाहेब नेटके, बबनराव मोरे, गोकुळ मोरे, दत्ता तांबे, शहादेव खेडकर आदी सरपंचांसह भरत जाधव, गणेश भांडेकर यांचा सत्कार करण्यात आला. बँक व्यवस्थापक उमेश आडगावकर, लोकनाथ पंडा, नीलेश नवले, प्रणील पगारे, अनिल रामटेके यांनी उपस्थितांना सन्मानित केले. प्रास्ताविक आडगावकर यांनी केले. सरपंच वैजीनाथ खेडकर यांनी बँकेचे आभार मानले. सर्व सरपंचांनी व्यवस्थापक आडगावकर यांचाही सत्कार केला.