परळीच्या तरुणीची पुण्यात आत्महत्या

पूजा लहू चव्हाण (वय २२ , सध्या रा. लेन नं. १० , हेवनपार्क पुणे. मूळ गाव परळी वैजनाथ, जि. बीड) असे आत्महत्या केलेल्या तरुणीचे नाव आहे. वानवडी पोलीस ठाण्याचे वरिष्ठ पोलीस निरीक्षक दीपक लगड यांनी दिलेल्या माहितीनुसार, १ महिन्यापूर्वी पूजा पुण्यात स्पोकन इंग्लिशच्या क्लासेससाठी आली होती. भाऊ विलास चव्हाण व मित्र अरुण राठोड यांच्या सोबत ती भाड्याच्या सदनिकेमध्ये राहत होती. रात्री दीड वाजण्याच्या सुमारास तिने गॅलरीतून उडी टाकली. तिच्या डोक्याला व मणक्याला गंभीर दुखापत झाली. विलास व अरुण यांनी तिला तातडीने उपचारासाठी रुग्णालयात दाखल केले; मात्र दुखापत गंभीर असल्याने तिचा मृत्यू झाला. मात्र आत्महत्येचे कारण अद्यापही स्पष्ट झाले नसून पूजा चव्हाण यांचा घात की अपघात, अशी चर्चा होत आहे.