....
आणखी दोन दुचाकी चोरट्यांनी पळविल्या
बीड : शहरात दुचाकीचोरीचे सत्र काही थांबायचे नाव घेत नाही. २४ तासांत आणखी दोन गुन्ह्यांची नोंद झाली. बीडमध्ये शहर ठाणे हद्दीतील एका खासगी दवाखान्यासमोरून बालाजी साखरे (रा. शेपवाडी परिसर, अंबाजोगाई) यांची १५ हजार रुपयांची दुचाकी (एमएच ४४ आर-५४९५) चोरट्यांनी पळवली. शहर ठाण्यात गुन्हा नोंद करण्यात आला. दुसऱ्या घटनेत शिवाजीनगर ठाणे हद्दीतील पालवण चौकाजवळून लहू थोरात यांची ३० हजार रुपये किमतीची दुचाकी (एमएच २३ एके-८१८६) चोरट्यांनी लंपास केली.
...
विद्यार्थ्याचा मोबाइल चोरट्यांनी पळविला
बीड : शहरातील छत्रपती शिवाजी महाराज चौक परिसरातून एका विद्यार्थ्याचा सहा हजार किमतीचा मोबाइल चोरट्यांनी लंपास केला. ही घटना २१ ऑगस्ट रोजी घडली. ओमकार बाबासाहेब काळे (२२, रा. गवळवाडी ता. बीड) याच्या तक्रारीवरून शिवाजीनगर ठाण्यात गुन्हा नोंद करण्यात आला. तपास पो.ना. जालिंदर बनसोडे करत आहेत.
...
फायटरने मारहाण करून हॉटेलात तोडफोड
बीड : फायटरने मारहाण करून हॉटेलात तोडफोड केल्याची घटना शहरातील लेंडी रोडवर २२ ऑगस्ट रोजी घडली. सय्यद शोएब मुजीब रहेमान (२६, रा. शहेंशाहनगर) असे जखमीचे नाव आहे. शेख महेबूब सलीम पटेल (रा. खासबाग) याने त्यास फायटरने मारहाण केली. भावाला शिवीगाळ केली, तसेच हॉटेलातील बाटल्या व शोएबचा मोबाइल फोडून २० हजार रुपयांचे नुकसान केले. शहर ठाण्यात गुन्हा नोंद करण्यात आला.
....