हा अपघात एवढा भीषण होता की, त्या व्यक्तीचे कंबरेपासून दोन तुकडे झाले आहेत.
दत्ता लक्ष्मण ठोंबरे (वय ४२, रा. टिळकनगर, अंबाजोगाई), असे त्या मृत व्यक्तीचे नाव आहे. टिळकनगर भागात त्यांची पिठाची गिरणी आहे. गुरुवारी पहाटे ५ वाजता दत्ता ठोंबरे नित्यनेमाप्रणाने माॅर्निंग वाॅकला गेले होते. अंबाजोगाई साखर कारखाना रोडवर आरटीओ कार्यालय वळणाच्या १०० मी. अलीकडे त्यांना अज्ञात वाहनाने जोरदार धडक दिली. या अपघातात त्यांचा जागीच मृत्यू झाला. अपघातानंतर चालक वाहन घेऊन पसार झाला. या मार्गावर माॅर्निंग वाॅक करणाऱ्या लोकांनी अपघाताची माहिती पोलिसांना दिली. सहा. फौजदार सोनेराव बोडखे यांनी तात्काळ घटनास्थळी धाव घेत पंचनामा केला. अंबाजोगाई शहर पोलीस पुढील तपास करीत आहेत.