किसान सभेच्या वतीने शेतकरी कायद्याची होळी

शेतकरी संयुक्त कृती समितीने जाहीर केल्यानुसार माजलगांव तहसील कार्यालयासमोर अखिल भारतीय किसान सभा व शेतकरी बचाओ कृती समितीच्या वतीने हे आंदोलन करण्यात आले. १४ जानेवारी रोजी दुपारी १२ वाजता शेतकरी विरोधी तिन्ही कायद्याची होळी करण्यात येऊन तहसीलदारांना निवेदन देण्यात आले. यावेळी कॉ. मुसद्दीक बाबा , कॉ .ॲड शेख याकुब . भाई ॲड. नारायण गोले यांचे मार्गदर्शन झाल्यानंतर प्रचंड घोषणाबाजीत शेतकरी विरोधी तिन्ही काळे कायद्याची होळी करण्यात आली.या प्रसंगी कॉ. विनायक चव्हाण, कॉ. सादेक पठाण , कॉ .शेषराव आबुज , रणजीत जाधव, कॉ. शेख समीर , कॉ . शफीक , कॉ . महारूद्र घेणे, कॉ. सुदर्शन हिवरकर यासह अनेक शेतकरी उपस्थित होते.