बीड : कोरोनाच्या पार्श्वभूमीवर आर्थिक संकटात सापडलेल्या पैलवानांना शासकीय मदत द्यावी. तसेच गावस्तरावर कुस्तीचे फड पूर्ववत सुरू करण्यात यावेत, अशी मागणी शिवसंग्रामाचे नेते सुधीर काकडे यांनी जिल्हाधिकारी राहुल रेखावार यांना बुधवारी निवेदनाद्वारे केली आहे. यावेळी अनिल घुमरे, कुस्तीगीर परिषदेचे बीड तालुकाध्यक्ष बंडू शहाणे, जब्बार शेख, शेख इसाक, मकसूद पैलवान, गोपीनाथ घुमरे, भागवतराव काकडे, आदी उपस्थित होते.
जिवाजी महाले यांना अभिवादन
बीड : शिवरत्न जिवाजी महाले यांच्या पुण्यतिथीनिमित्त त्यांच्या शहरातील पुतळ्यास नगराध्यक्ष डॉ. भारतभूषण क्षीरसागर यांनी पुष्पहार घालून अभिवादन केले. याप्रसंगी नाभिक एकता महासंघाचे जिल्हाध्यक्ष विक्रम बिडवे, युवक जिल्हाध्यक्ष विकास काळे, नगरसेवक रवींद्र कदम, विनोद मुळूक, भास्कर जाधव, पंडित दोडके, रवी सूर्यवंशी, मुकुंद दोडके, वचिष्ट राऊत, डॉ. रमेश शिंदे, विलास सरडे, सचिन झेंडे, अशोक वैद्य, नवनाथ दोडके, जीवा वैद्य, तुषार दोडके, अमोल राऊत, संदीप सोनवणे, आदी उपस्थित होते.
संगम येथे राजमाता जिजाऊ जयंती कार्यक्रम
बीड : परळी तालुक्यातील संगम येथे राजमाता जिजाऊ यांच्या जयंतीचे औचित्य साधून अ. भा. वारकरी मंडळ व सरपंच वच्छालाबाई वैजनाथ कोकाटे यांच्या संयुक्त विद्यमाने कार्यक्रम घेण्यात आला. शिवश्री राजेभाऊ गिराम यांच्या हस्ते ध्वजारोहण झाले. प्रतिमापूजन करून मिरवणूक काढण्यात आली. छोट्या मुलींनी जिजाऊ तसेच महापुरुषांचा पोशाख परिधान करून मिरवणुकीची शोभा वाढवली.