अर्थसंकल्पातून मध्यम वर्गीय कुटुंबीयांना दिलासा मिळेल अशी अपेक्षा होती. मात्र जीवनावश्यक वस्तूंच्या किंमतीमध्ये मोठी वाढ झाली आहे.तेल,गॅस,व विविध वस्तूंचे वाढणारे भाव संपूर्ण कुटुंबाचे बजेट कोलमडून टाकते. - प्रभा तट (गृहिणी )
अर्थसंकल्पात बांधकाम व्यावसायिकांसाठी विशेष अशी कोणतीही तरतूद करण्यात आलेली नाही. आर्थिक मंदीतून व्यापारी बाहेर काढण्यासाठी काही विशेष तरतुदी करणे आवश्यक होते. मात्र तसे झाले नाही.
-संतोष कुंकुलोळ (बांधकाम व्यावसायिक)
जाहीर झालेल्या अर्थसंकल्पात पेट्रोल,डिझेल व गॅसच्या दरात झालेली वाढ कायम आहे. डिझेलचे दर वाढल्याने आमचा व्यवसाय अडचणीत आला आहे. तर गॅस दरवाढीमुळे सामान्य माणसाच्या कुटुंबाला आर्थिक झळ बसली आहे.
-नितीन राऊत(रिक्षा चालक )
प्रत्येक अर्थसंकल्पात शेतकऱ्यांना मोठा दिलासा असे दरवेळी सांगितले जाते. मात्र प्रत्यक्षात तसे काहीच दिसत नाही. शेतकऱ्यांची स्थिती आहे तशीच राहते. साधे पीक कर्ज घेण्यासाठी ही मोठे हेलपाटे घालावे लागतात.
-प्रभाकर कुलकर्णी (शेतकरी)