धारूर-मुंबई बसला एका फेरीत ६९ हजारांचे उत्पन्न

लोकमत न्यूज नेटवर्क

धारूर : रापमच्या धारूर आगारातून जाणाऱ्या धारूर-मुंबई बसने एका फेरीत ६९ हजार ३७० रुपये विक्रमी उत्पन्न मिळविले असून, या बसच्या वाहक व चालकांचा धारूर आगाराच्यावतीने सत्कार करण्यात आला.

धारूर आगारातून जाणाऱ्या धारूर-मुंबई या नियताचे एका फेरीत ६९ हजार ३७० रुपये उत्पन्न मिळाले. रापमला चांगले उत्पन्न मिळविण्यात धारूर आगाराने जिल्ह्यात दुसरा क्रमांक मिळवला आहे. धारूर-मुंबई बसचे एका फेरीत चांगले उत्पन्न मिळविल्याबद्दल चालक राम वीर, शेख शौकत, वाहक विजय शिरडोळे व महंमद खुरेशी यांचा आगारप्रमुख शंकर स्वामी, अजय सोनटक्के आदींनी सत्कार केला. यावेळी रापम कर्मचारी उपस्थित होते.

230821\img-20210823-wa0055.jpg

धारूर आगारात धारूर मुंबई गाडीचे विक्रमी उत्पादन आणणाऱ्या वाहक व चालकाचा सत्कार