अमरावती : घरात एकटी असलेल्या महिलेस पिण्यासाठी पाणी मागून तिचा हात पकडून विनयभंग करण्यात आल्याची घटना वलगाव ठाणे हद्दीतील साऊर येथे १७ जुलै रोजी घडली. या प्रकरणी पोलिसांनी रविवारी गुन्हा नोंदविला. महिलेच्या तक्रारीवरून आरोपी आशिष सदाशिव चव्हाण (२९, रा. साऊर) याच्याविरुद्ध गुन्हा नोंदविला.
---------------------------------------------
काठीने मारून केले युवकाला जखमी
अमरावती : क्षुल्लक कारणावरून एका युवकावर काठीने हल्ला चढवून त्याला जखमी केल्याची घटना शनिवारी वलगावच्या सतीनगरात घडली. या प्रकरणी आरोपी इकबाल शाह इसुब शाह (३५, रा. सतीनगर) याच्याविरुद्ध शेख जावेद शेख वहीद (२६ रा. सतीनगर) यांनी तक्रार नोंदविली. पोलिसांनी गुन्हा नोंदविला आहे.
------------------------------------
हाती शस्त्र घेऊन फिरणारा अटकेत
अमरावती : हाती चाकू घेऊन लोकांमध्ये दहशत पसरविणाऱ्या युवकाला पोलिसांनी चित्रा चौकातून रविवारी ताब्यात घेतले. रोशन मनोहर गवई (२१, रा. गौतमनगर, रामपुरी कॅम्प) असे आरोपीचे नाव आहे. सिटी कोतवाली पोलिसांनी गुन्हा नोंदविला आहे.
-------------------------------
दारू पिऊन धिंगाणा घालणाऱ्याला अटक
अमरावती : तडीपार आरोपी दारू पिऊन धिंगाणा घालत असल्याची माहिती मिळताच पोलिसांच्या पथकाने त्याला ताब्यात घेतले. ही कारवाई माताखिडकी येथे अंबा अपार्टमेंटनजीक शनिवारी रात्री करण्यात आली. अमित रामनारायण तिवारी (३५, रा. माताखिडकी) असे आरोपीचे नाव आहे. खोलापुरीगेट पोलिसांनी गुन्हा नोंदविला.