अमरावती : मालटेकडी चौकातून एका तरुणाची दुचाकी लंपास करण्यात आली. ही घटना १ मे रोजी उघडकीस आली. पोलीस उपनिरीक्षक राजेंद्र गुलतकर यांच्या तक्रारीनुसार, त्यांची एमएच २७ बीएल ४२४८ क्रमांकाची दुचाकी मालटेकडी चौकातील हॉटेल अरबन किचनसमोर उभी होती. तासाभरानंतर ते परतले असता, त्यांना दुचाकी दिसली नाही. यावरून कोतवाली पोलिसांनी अज्ञाताविरुध्द गुन्हा नोंदविला.
---------------------------------------------
जनावर आडवे आल्याने अपघात, तरुणाचा मृत्यू
अमरावती : भरधाव दुचाकीसमोर जनावर आडवे आल्याने खाली कोसळून तरुणाचा मृत्यू झाला. प्रदीप अशोक भटकर (२८ रा. भटकरपुरा, खोलापूर) असे मृताचे नाव आहे. प्रदीप हा एमएच २७ बीए ९२६९ दुचाकीने खोलापूरकडे जात होता. दरम्यान भातकुली रोडवरील पानसे पेट्रोलपंपासमोर एक जनावर आडवे आल्याने प्रदीप दुचाकीसह रस्त्यावर कोसळला. त्याला गंभीर अवस्थेत नागपूरला हलविण्यात आले होते. परंतु त्याचा उपचारादरम्यान मृत्यू झाला.