फोटो - कुर्हा ओ १५
कुऱ्हा : तिवसा तालुक्यातील फत्तेपूर शिवणगाव येथे पालकमंत्री यशोमती ठाकूर यांच्या संकल्पनेतून स्वच्छ भारत मिशन ग्रामीण अंतर्गत सार्वजनिक स्वच्छता संकुल बांधकामाचे भूमिपूजन व वृक्षरोपण करण्यात आले. याप्रसंगी पंचायत समिती सभापती शिल्पा हांडे, पंचायत समिती उपसभापती शरद वानखडे, पंचायत समिती सदस्य नीलेश खुळे, गटविकास अधिकारी चेतन जाधव, सचिव तिरमारे, सरपंच प्रियांका चव्हाण, उपसरपंच नंदकिशोर पोलगावंडे, सदस्य राजकला कठाडे, संगीता खडसे, धर्मराज खडसे, प्रियांका पांडे, रोजगार सेवक एकनाथ गुजर, राधाकिसन लढ्ढा, आनंदराव पांडे, हनुमंतराव पांडे, माणिकराव एंडॊले, प्रमोद पांडे, मनोज कुरवाडे आदी उपस्थित होते.
----------
बेलोरा स्टॉप येथून दुचाकी लंपास
चांदूर बाजार : शहरातील बेलोरा स्टॉप येथे ऑटोरिक्षाचे साहित्य घेण्यासाठी गेलेले दिनेश शंकरराव खडसे (४५, रा. चिंचोली काळे) यांची दुचाकी (एमएच २७ डीबी २२४८) अज्ञात चोरट्याने लंपास केली. १० जुलै रोजी ही घटना घडली. चांदूर बाजार पोलिसांनी गुन्हा दाखल केला.
----------
अतिक्रमणावरून अचलपुरात मारहाण
अचलपूर : शहरातील बियाबानी येथे मशिदीच्या अतिक्रमण केलेल्या जागेवर बांधकाम करू नको, असे सांगितल्यावरून शेख सिराज अहमद अब्दुल (५२) यांना बिस्मिल्ला खान रहमान खान, तौसिफ खान रहीम खान, रहमान खान, इब्राहिम खान रहमान खान, रहीम खान रहमान खान यांनी मारहाण केली. पोलिसांनी १४ जुलै रोजी विविध कलमान्वये गुन्हा दाखल केला.