परतवाडा: अचलपूर तालुक्यातील एका अल्पवयीन मुलीला चिखलदरा फिरायला जाऊ, असे सांगून तेथे नेऊन तिचेवर एका हॉटेलमध्ये अत्याचार केल्याची तक्रार अचलपूर पोलीस ठाण्यात दाखल करण्यात आली. पोलिसांनी गुरुवारी दुपारी पोक्सोसह अत्याचाराचा गुन्हा दाखल करून आरोपीला अटक केली आहे.
रोहित संजय सोनार (२४, रा. विलायतपुरा, अचलपूर) असे आरोपीचे नाव असून एका अल्पवयीन मुलीला आपण चिखलदरा जाऊ असे सांगून १६ जून रोजी सकाळी १०.३० वाजता दुचाकीने फिरायला नेले. तेथील एका हॉटेलच्या टिन शेडमध्ये तिचेवर लैंगिक अत्याचार करण्यात आला. अचलपूर पोलिसांत २४ जून रोजी
याबाबत तक्रार देण्यात आली. त्यानुसार, आरोपीविरूद्ध भादंविचे कलम ३६३, ३६६ अ, ३७६ (२), ३७७, ५०६ व पोक्सो अन्वये गुन्हा दाखल करून आरोपीला अटक केली आहे. घटनेचा तपास ठाणेदार सेवानंद वानखडे यांच्या मार्गदर्शनात सपोनि पंकज तायडे सहकारी करीत आहे.
बॉक्स
चिखलदरा, घाटवळणात दुचाकी सुसाट
विदर्भाचे नंदनवन असलेले चिखलदरा पर्यटनस्थळ सुरु झाले असले तरी लॉकडाऊनमध्ये चिखलदरा जाणाऱ्या धामणगाव गढी व घटांग मार्गावर मोठ्याप्रमाणात प्रेमीयुगुलांचे दुचाकीवर सुसाट वेगाने धावणे नेहमीचे आहे. तर त्यातूनच असे प्रकार घडत असल्याचे पुन्हा एकदा उघड झाले आहे.