देवगाव चौफुलीवर पाणीच पाणी
धामणगाव रेल्वे : देवगाव चौफुलीवर पाणीच पाणी साचले आहे. देवगाव चौफुलीहून अमरावती, वर्धा, यवतमाळ या तीन जिल्ह्यांच्या मुख्यालयाकरिता वाहने निघतात. येथील यवतमाळ रोडवर पावसाचे पाणी साचलेले असून, ये-जा करणाऱ्या प्रवाशांना त्याचा नाहक त्रास होत आहे.
----------------------
मोर्शी नगर परिषदेत आमदारांची आढावा बैठक
मोर्शी : नागरी सुविधा व प्रलंबित विविध विकासकामांबाबत आ. देवेंद्र भुयार यांनी नगर परिषदेत आढावा बैठक घेतली. घरकुल योजना, वृक्षारोपण, मूलभूत सुविधा, पाणीपुरवठा योजनेचे सौरऊर्जेवर कार्यान्वयन, शहराची स्वच्छता, विद्युत पुरवठा तसेच इतर विषयांबाबत चर्चा करण्यात आली.
----------------------
मोर्शी येथे महेश नवमी उत्सव
मोर्शी : दरवर्षीप्रमाणे यावर्षीसुद्धा महेश नवमी उत्सव साजरा होत आहे. यानिमित्त १६ जून रोजी उपजिल्हा रुग्णालय येथे रुग्णांना फळवाटप करण्यात आले. १७ जून रोजी रोजी गौरक्षण धाम येथे गाईंना चारा देण्यात आला. १८ जून रोजी रोजी स्थानिक अंगनानी मंगल कार्यालय येथे रक्तदान शिबिराचे आयोजन करण्यात आले आहे. यासाठी युवकांनी रक्तदान करून सहकार्य करण्याचे आवाहन अध्यक्ष डॉ. श्याम राठी यांनी केले आहे.
----------------------