मुकिंदपूर येथे युवकाला काठीने मारहाण
आसेगाव पूर्णा : नजीकच्या मुकिंदपूर येथे शिवीगाळ का केली, असे विचारणाऱ्या योगेश राजेंद्र झोड (२५) या युवकाला काठीने मारहाण करण्यात आली. याप्रकरणी आसेगाव पोलिसांनी भादंविचे कलम ३२४, ३२३, ५०४, ५०६ अन्वये राहुल मनोहर वाटाणेविरुद्ध गुन्हा नोंदविला. १८ मे रोजी ही घटना घडली.
---------------
खोडसाळपणे वाहन जाळले
अंजनगाव सुर्जी : येथील रहिवासी हरीश दुलीचंद बहिरे (६६) यांची दोन वाहने अज्ञात व्यक्तीने खोडसाळपणे जाळण्याचा प्रयत्न केला. याप्रकरणी त्यांनी अंजनगाव पोलीस ठाण्यात तक्रार दाखल केली. पोलिसांनी भादंविच्या कलम ४३५ अन्वये गुन्हा नोंदविला. १७ मे रोजी रात्री ही घटना घडली.
---------------
शाळेच्या आवारातील मंदिराची दानपेटी फोडली
पथ्रोट : गावातील जयसिंग शाळेच्या आवारात असलेल्या गजानन महाराज मंदिरातील दानपेटी फोडून १० ते १५ हजार रुपये चोरट्याने लंपास केले. १७ मे रोजी रात्री ही घटना घडली. दीपक कमलदास माहोरे यांनी पोलिसांना दिलेल्या तक्रारीत शुभम सतीश मालवी (२६) या युवकाविरुद्ध संशय व्यक्त केला आहे. पोलिसांनी भादंविच्या कलम ४६१, ३८० अन्वये गुन्हा नोंदविला.
---------------