अमरावती : संपत्तीच्या वादातून एका इसमाला काठीने मारहाण करून धमकी देण्यात आली. ही घटना बुधवारी सातुर्णास्थित घनशामनगरात घडली. राजबीर कैर जगतारसिंग मान (वय ४०, रा. घनशामनगर) यांच्या तक्रारीवरून राजापेठ पोलिसांनी एका महिलेविरुद्ध गुन्हा नोंदविला. या घटनेचा प्राथमिक तपास पोलीस उपनिरीक्षक आरती गवई यांनी केला.
000000000000000000000000000000000
मद्यपी मुलाची आईला मारहाण
अमरावती : भाजी थंड असल्याच्या कारणावरून मद्यपी मुलाने आईलाच मारहाण केल्याची घटना बुधवारी (दि. १९) गोपालनगरस्थित ज्योती कॉलनीत घडली. पीडित महिलेच्या तक्रारीवरून राजापेठ पोलिसांनी आकाश राजू खैरनार (वय २६, रा. ज्योती कॉलनी) याच्याविरुद्ध गुन्हा नोंदविला.
000000000000000000
दोन दुचाकींचा अपघात, एक ठार
अमरावती : दोन दुचाकींमध्ये समोरासमोर झालेल्या धडकेत एक ठार, तर एक जखमी झाला. ही घटना जसापूर ते आसरा रोडवर बुधवारी घडली. मनोज प्रमोद वानखडे (रा. लंगापूर, पोही, जि. अकोला) असे मृताचे नाव आहे. या अपघातातील जखमी सचिन धनराज अडसोळ (वय ३२, रा. माना) याला उपचारासाठी रुग्णालयात दाखल करण्यात आले. मनोज व सचिन हे एका दुचाकीवर बसून जसापूरकडे जात असताना, अज्ञात दुचाकीने त्यांना धडक दिली. प्रभाकर ओंकार वानखडे (५३) यांच्या तक्रारीवरून भातकुली पोलिसांनी अज्ञात वाहनचालकाविरुद्ध गुन्हा नोंदविला.