टाकरखेडा संभु,( वार्ताहार)
मद्यपी दोन भावांच्या वादात मध्यस्थी करण्या वडिलांना एका भावाने जबर मारहाण केली या मारहाणीत वृद्ध वडीलचा मृत्यू झाल्याची घटना भातकुली तालुक्यातील रामा येथे सोमवारी रात्री घडली,पोलिसांनी या प्रकरणी आरोपी मुलास अटक केली आहे, महादेव तायवाडे मृतक वडिलांचे नाव आहे, याप्रकरणी ज्ञानेश्वर तायवाडे याला अटक करण्यात आली आहे,
सोमवारी मद्यप्राशन करून दोन भावांमध्ये वाद निर्माण झाला होता ,दरम्यान 75 वर्षीय वडील महादेव तायवाडे यांनी दोघांमध्ये मध्यस्थी करण्याचा प्रयत्न केला, परंतु ज्ञानेश्वर तायवाडे याने वडील महादेव तायवाडे यांच्या नाकावर जोरदार बुक्की मारली, यामध्ये महादेव तायवाडे जखमी झाले,त्यामुळे नजीकच्या आसेगाव आरोग्य केंद्रात नेले, मात्र त्यांची प्रकृती नाजूक असल्याने त्यांना जिल्हा सामान्य रुग्णालयात हलविण्याचा सल्ला दिला,इर्विन मध्ये नेत असतांना दरम्यान त्यांचा मृत्यू झाला,
घटनेची माहिती होताच वलगाव पोलिसांनी घटनास्थळ गाठून पंचनामा केला व आरोपी मुलगा ज्ञानेश्वर तायवाडे याच्याविरोधात गुन्हा दाखल करून अटक केली आहे ,या प्रकरणाचा पुढील तपास पोलिस करीत आहे