श्री हनुमान व्यायाम प्रसारक मंडळाच्या ऑडिटोरियमध्ये दुपारी १ ते ४ या वेळेत ज्येष्ठ नेते बी.टी. देशमुख यांच्या अध्यक्षतेखाली हा कार्यक्रम होईल. पालकमंत्री यशोमती ठाकूर, शालेय शिक्षण राज्यमंत्री बच्चू कडू, वनराईचे विश्वस्त गिरीश गांधी व श्री हनुमान व्यायाम प्रसारक मंडळाचे प्रधान सचिव प्रभाकरराव वैद्य यांच्या प्रमुख उपस्थितीत राहील. सोमेश्वर पुसतकर यांच्या कार्याचा वारसा चालत राहावा आणि त्यांच्यासारखे काम करणाऱ्या व्यक्ती व संस्थांना बळ मिळावे, यासाठी लोक फाउंडेशनच्यावतीने दरवर्षी त्यांच्या नावे लोकगौरव पुरस्कार देण्याचा निर्णय घेतला आहे.
अन्नदान उपक्रम प्रभावीपणे राबविण्यासाठी नानक ट्रस्टने एका चारचाकी वाहनावर सुसज्ज 'अन्नदान रथ' उभारला आहे. ट्रस्टतर्फे लवकरच अन्य एका वाहनाद्वारे शहराच्या विविध भागात मोफत थंड पाणी वितरणाची व्यवस्था केली जाणार आहे. भाई गुरुप्रीतसिंग साहब यांच्या मार्गदर्शनाखाली ट्रस्टच्या अमरावती शाखेचे अध्यक्ष शंकर ओटवानी, सचिव राजकुमार दुर्गाई, कोषाध्यक्ष मनोज पुरसवाणी, संदीप हसनानी, निकेश प्रथानी, गणेश थावराणी, इंद्रकुमार लुल्ला, अजय पिंजानी, श्यामलाल पिंजानी, अमर कुकरेजा, किशनचंद पिंजानी, किमतराम धनकानी, तुषार नागदेव आदी १०० पेक्षा जास्त पदाधिकारी व कार्यकर्ते या उपक्रमात सहयोग देत असतात.