वाशिम जिल्हा निकालात शायनिंग

८८.0१ टक्के निकालासह अमरावती विभागात प्रथम क्रमांकावर आला आहे.

वाशिम :महाराष्ट्र राज्य माध्यमिक व उच्च माध्यमिक परीक्षा मंडळाच्या वतीने मार्च महिन्यात घेण्यात आलेल्या दहाव्या वर्गाच्या परीक्षेच्या १७ जून रोजी जाहीर झालेल्या निकालात वाशिम जिल्हा ८८.0१ टक्के निकालासह अमरावती विभागात प्रथम क्रमांकावर आला आहे. मागीलवर्षी दहावी परीक्षेत वाशिम जिल्हा ७५.७८ टक्के निकालासह तिसर्‍या क्रमांकावर आला होता.यावर्षी जिल्ह्याने निकालात व टक्केवारीतही आघाडी घेतली आहे.वाशिम जिल्ह्यातून यावर्षी दहावीच्या परीक्षेसाठी १८,६५0 विद्यार्थ्यांनी नावनोंदणी केली होती.त्यात १0,५९४ मुले तर ८,0५६ मुलींचा समावेश होता.त्यापैकी १८,५६0 विद्यार्थ्यांनी परीक्षा दिली.त्यात १0.५३७ मुले तर ८,0२४ मुली होत्या.त्यातील १६.३३५ विद्यार्थी उत्तीर्ण झाले. त्यांची टक्केवारी ८८.0१ टक्के आहे.या उत्तीर्ण विद्यार्थ्यांमध्ये ९,0४८ मुले तर ७,२८७ मुली आहेत.त्यांपैकी उत्तीर्ण मुलांची टक्केवारी ८५.८७ तर मुलींची टक्केवारी ९0.९२ टक्के आहे.जिल्ह्यात उत्तीर्ण १६,३३५ विद्याथ्यापैकी ३,४५९ विद्यार्थी प्रावीण्यश्रेणीत ,६,८८५ विद्यार्थी प्रथम श्रेणीत, ५,00३ विद्यार्थी द्वितीय श्रेणीत तर ९८८ विद्यार्थी उत्तीर्ण श्रेणीत आले आहेत.** मुला-मुलींची विभागात आघाडीवाशिम : महाराष्ट्र राज्य माध्यमिक व उच्च माध्यमिक परीक्षा मंडळाच्या वतीने मार्च महिन्यात घेण्यात आलेल्या दहाव्या वर्गाच्यापरीक्षेत यंदा वाशिम जिल्ह्यातील मुला-मुलींनी अनुक्रमे ८५.८७ व ९0.८२ टक्के निकालासह विभागात मुला-मुलींमध्ये सर्वाधिक टक्केवारी प्राप्त केली आहे.** दोन शाळा डेंजर झोनमध्येमागीलवर्षी जिल्ह्यातील २0 टक्केपेक्षा कमी निकाल असलेल्या दोन शाळा होत्या.यावर्षी अशा २0 टक्केपेक्षा कमी निकाल असलेल्या शाळांची संख्या दोन एवढीच राहिली आहे. केन्द्रीय एससी माध्यमिक आश्रमशाळा मंगरुळपीर व मॉडर्न उदरु सेकंडरी स्कूल काळीकारंजा या शाळांचा निकाल २0 टक्केपेक्षा कमी लागला आहे. ** शंभर नंबरी शाळांची संख्या १५ने वाढलीमागीलवर्षी जिल्ह्यातील १७ शाळांचा निकाल शंभर टक्केएवढा लागला होता.यंदा शंभर टक्के निकालाच्या शाळांची संख्या वाढून ३२ झाली आहे.रिसोड तालुका जिल्ह्यात अव्वलवाशिम :महाराष्ट्र राज्य माध्यमिक व उच्च माध्यमिक परीक्षा मंडळाच्या वतीने मार्च महिन्यात घेण्यात आलेल्या दहाव्या वर्गाच्या परीक्षेच्या निकालात ुरिसोड तालुका ८९.७९ टक्के निकालासह प्रथम क्रमांकावर आला आहे.रिसोड तालुक्याच्या खालोखाल ८९.१६ टक्के निकालासह मालेगाव तालुका दुसर्‍या क्रमांकावर आला आहे.वाशिम तालुका ८८.३१ टक्के निकाल प्राप्त करीत तिसर्‍या क्रमांकावर आहे.जिल्ह्यात शैक्षणिक क्षेत्रात नावाजलेला कारंजा तालुका यावेळी ८७.८0 टक्के निकालासह चवथ्या क्रमांकावर आहे.जिल्ह्यात शैक्षणिक बाबतीत सर्वात मागासलेला मानला जाणारा मानोरा तालुका ८६.८७ टक्के निकालासह पाचव्या क्रमांकावर आला आहे.एरवी निकालात मानोर्‍याच्या पुढे राहणारा मंगरूळपीर तालुका यावर्षी ८६.१६ निकालासह सहाव्यास्थानी आहे.