परतवाडा : शहरातील मध्यवस्तीतील नेहरू मैदानावर रविवारी सकाळी ११.३० वाजता दरम्यान मैदानात उभी केलेल्या स्कूल व्हॅनने अचानक पेट घेतला. नगर परिषद कार्यालयाच्या बाजूला ही घटना घडली. ती आग तात्काळ अग्निशमन यंत्रणेने विझवली. काही कामानिमित्त साहेबराव गडीकर हे स्कूल व्हॅन घेऊन नेहरू मैदान येथे आले होते. वाहन उभे करून आवश्यक साहित्य खरेदीकरिता ते गेले असता, त्यांच्या एमएच २७ डी ०५८४ क्रमांकाच्या स्कूल व्हॅनने अचानक पेट घेतला. वर्दळीचे ठिकाण असल्याने नागरिकांना स्कूल व्हॅनमधून धूर निघत असल्याचे दिसताच त्यांनी एकच गर्दी केली. पालिकेच्या अग्निशमन दलाला तात्काळ पाचारण करण्यात आले.
बॉक्स
रेल्वे स्टेशन परिसरातील झुडपी जंगलाला आग
काही दिवसांपासून शहरात मोठ्या प्रमाणात आगीच्या घटना घडत आहे. परतवाडा - अमरावती महामार्गावरील रेल्वे स्टेशन परिसरातील झुडपी जंगलात शुक्रवारी रात्री आग लावण्यात आली. ही आग मोठ्या प्रमाणात पसरली. अचलपूर नगरपालिकेच्या आगीचे दोन बंबानी ही आग आटोक्यात आणल्याची माहिती अग्निशमन अधिकारी संदेश जोगदंड यांनी दिली. पालिकेच्या अग्निशमन विभागाचे दीपक गणेश, उद्धव पुरी, संतोष कश्यप, गणेश नंदवंशी, जगदीश तिवारी, मयूर सहारे, अब्दुल मतीन आदींनी ही आग आटोक्यात आणली.