----------
पोहरा-चिरोडी परिसरात दाटले धुके
पोहरा : चांदूर रेल्वे व पोहरा जंगल परिसरातील पोहरा, चिरोडी, बोडणा, पिंपळखुटा, इंदला, मासोद, भानखेडा, सावंगा, लालखेड, मालखेड, कारला परिसरात पहाटे दाट धुके अनुभवास येत आहे. सायंकाळी व सकाळी उशिरापर्यंत शेकोट्या पेटत असल्याचे चित्र आहे.
-----------
मोर्शीत मुलांच्या भांडणातून सुनेला मारहाण
मोर्शी : शहरातील पेठपुरा येथे मुलांच्या भांडणातून ३२ वर्षीय विवाहितेला मारहाण करण्यात आली. २१ डिसेंबर रोजी ही घटना घडली. पोलिसांनी शब्बीर शाह तसेच दोन महिलांविरुद्ध भादंविचे कलम ३२४, ०५४, ५०६, ३४ अन्वये गुन्हा नोंदविला.
-----------
गणेशपूर येथे महिलेविरुद्ध गुन्हा
मोर्शी : तालुक्यातील गणेशपूर येथील कंचन अरुण लोखंडे (२३) हिने ११ महिने वयाच्या मुलासह विहिरीत उडी घेऊन आत्महत्या केली. याप्रकरणी कंचनविरुद्ध मोर्शी पोलिसांनी भादंविचे कलम ३०२ अन्वये गुन्हा नोंदविला.
----------
अपघातप्रकरणी अज्ञात वाहनचालकाविरुद्ध गुन्हा
दर्यापूर : लासूर फाट्याच्या अलीकडे झालेल्या अपघातात विजय व वृषाली खंडारे यांच्या मृत्यूप्रकरणी दर्यापूर पोलिसांनी अज्ञात वाहनचालकाविरुद्ध भादंविचे कलम ३०४ (अ), २७९, ३३७, ३३८, ४२७ अन्वये गुन्हा नोंदविला. २१डिसेंबर रोजी रात्री ११ च्या सुमारास ही घटना घडली.
-------
मेटे कॉलनी येथे रेती, ट्रॅक्टर जप्त
चांदूर रेल्वे : शहरातील मेटे कॉलनी येथे अडीच लाख रुपयांची ट्रॅक्टर ट्रॉली व १५ हजार रुपयांची चोरीची रेती जप्त करण्यात आली. याप्रकरणी चांदूर रेल्वे पोलिसांनी वासुदेव मारोतराव शेंडे (रा. सोनगाव), नीलेश ऊर्फ पप्पू रमेश भालेराव यांच्याविरुद्ध भादंविचे कलम ३७९, ३४ सहकलम ३ सार्वजनिक सं.नु.प्र. अधिनियमान्वये गुन्हा नोंदविली.
------------
अपघातात जखमीचा उपचारादरम्यान मृत्यू
तिवसा : वरखेड फाट्यावर १९ डिसेंबर रोजी एमएचट ४० बीएम ०७३६ क्रमांच्या दुचाकीला एमएच ४९ एएफ ३१२३ क्रमांकाच्या वाहनाने धडक दिली. यात जखमी शिवदास रामाजी डुकरे (६५) यांचा उपचारादरम्यान मृत्यू झाला. तिवसा पोलिसांनी अज्ञात चालकाविरुद्ध भादंविचे २७९, ३०४ अ अन्वये गुन्हा नोंदविला.