पान ४ बॉटम आज आवश्यक
ऊर्जामंत्र्यांचे निर्देश, शहरातील वीजविषयक प्रश्नांवर माजी मंत्री सुनील देशमुख यांची व्हीसीद्वारे चर्चाअमरावती : शहरात राबविण्यात आलेल्या एकात्मिक ऊर्जा विकास योजना (आयपीडीएस) अंतर्गत प्रलंबित कामाला आवश्यक २.३१ कोटींचा निधी तात्काळ उपलब्ध करून देण्याचे निर्देश डॉ. राऊत यांनी महावितरणला दिले. याबाबत माजी राज्यमंत्री डॉ. सुनील देशमुख यांनी त्यांच्याशी व्हिडीओ कॉन्फरन्सिंगद्वारे स्वाद साधून मागणी केली.
डॉ. सुनील देशमुख यांनी केलेल्या मागणीवर चर्चा करण्यासाठी मंगळवारी एक बैठक ऊर्जामंत्र्यांच्या उपस्थितीत मंत्रालयात आयोजित करण्यात आली होती. ऊर्जामंत्र्यांच्या निर्देशानंतर महावितरणच्या अंतर्गत निधीतून २.३१ कोटींची तरतूद या प्रकल्पासाठी केली जाईल, अशी माहिती या बैठकीत देण्यात आली. या बैठकीला महावितरणचे संचालक प्रकल्प भालचंद्र खंडाईत, मराविमं सूत्रधारी कंपनीचे सल्लागार उत्तम झाल्टे, ऊर्जा सचिव दिनेश वाघमारे हे उपस्थित होते, तर डॉ. सुनील देशमुख,
अमरावती परिमंडळाच्या मुख्य अभियंता पुष्पा चव्हाण, अधीक्षक अभियंता दिलीप खानंदे, दीपक देवहाते, कार्यकारी अभियंता आनंद काटकर, भारतभूषण औगड हे आभासी पद्धतीने बैठकीला उपस्थित होते. अमरावती शहरात एकात्मिक ऊर्जा विकास योजना राबविण्यात आली. ८४.७० कोटी रुपयांच्या या योजनेत ३३ केव्हीची दसरा मैदान व शंकर नगर येथे दोन उपकेंद्रे कार्यान्वित करण्यात आली तसेच या योजनेंतर्गत १८५ किमी उच्च दाब व ११० किमी लघुदाब वाहिन्या भूमिगत करण्यात आल्या आहेत. १०५ किमीची एरियल बंच केबल टाकण्याचे काम पूर्ण करण्यात आले. परंतु, भूमिगत झालेल्या वाहिन्यांवरील ओवरहेड लाईन काढण्याचे व भूमिगत वाहिनी चार्ज करण्याचे काम समाविष्ट नसल्याने एकात्मिक ऊर्जा विकास योजनेचे काम पूर्ण होऊनही भूमिगत वाहिन्या चार्ज करण्यात आल्या नव्हत्या.
दरम्यान, जिल्हा नियोजन व महावितरणच्या प्रत्येकी ५० लाख निधीतून काही भागात भूमिगत वीजवाहिनी वापरात आणली आहे. परंतु, उर्वरित कामासाठी २.३१ कोटींच्या निधीची आवश्यकता असल्याने सदर निधी उपलब्ध करून देण्याबाबत या बैठकीत सकारात्मक चर्चा करण्यात आली. यावेळी अमरावती शहरातील वीजविषयक प्रश्नांवर चर्चा करून वितरण हानी कमी करण्यासाठी आवश्यक त्या सर्व उपाययोजना करण्याचे निर्देशही यावेळी देण्यात आले.