करजगाव : चांदूर बाजार तालुक्यातील करजगाव येथे युवा संकल्प फाउंडेशनच्यावतीने गुणवंत विद्यार्थी, डॉक्टर, आशा वर्कर, सामाजिक कार्यकर्ते यांचा सत्कार सोहळा माजी प्राचार्य हरिहरपंत कांडलकर यांच्या अध्यक्षतेखाली झाला.
डॉ. चक्रधर घुलक्षे, डॉ. मंगेश भगत डॉ. समीर वासनकर, सरपंच इंदिरा वानखडे, स्मिता गणोरकर, किरण सोनार, विजय वडनेरकर, धम्मराज नवले, प्रदीप कांडलकर,डॉ. शीतल हाडोळे, संगीता मोहोड, रोशन मालधुरे, दिनेश वाघमारे, संजय गणोरकर आदी याप्रसंगी मान्यवर उपस्थित होते. फाउंडेशनचे अध्यक्ष सुरेंद्र हाडोळे यांनी प्रास्ताविक केले. दहावीत यशवंत ठरलेले शंकरराव विद्यालयातील प्रज्वल प्रकाश गजबे, पवन सुरेश शनवारे, स्वराज संजय कथिलकर, शामराव सोनार कन्या विद्यालयातील प्राची सतीश लोंधे, आयुषी प्रशांत हिंगणे, हर्षाली राजेश शिरभाते, एल.सी. खेरडे कनिष्ठ महाविद्यालयातील निशिका नीलेश बहादुरे, गुंजन सतीश लोंढे, उन्नती विनोद पारधी यांचा पदके देऊन सत्कार करण्यात आला. सामाजिक कार्यासाठी दिलीप घोंगडे व कोविडमध्ये केलेल्या सेवेसाठी डॉ. मंगेश भगत, पोलीस पाटील अश्विन मेहरे तसेच आशा सेविकांचा सत्कार झाला. हरिहर कांडलकर, विजय वडनेरकर, किरण सोनार, धम्मराज नवले यांनी फाऊंडेशनच्या कार्याचा आढावा घेतला. संचालन संकेत मेहरे यांनी केले.