बँकांच्या सुटीचा अर्थचक्राला फटका

विजयादशमी, चौथा शनिवार आणि रविवारी जिल्ह्यातील बँका बंद राहणार असल्याने मोठ्या प्रमाणावर आर्थिक उलाढाल ठप्प राहणार आहे.

तीन दिवस सुट्या : ‘एटीएम’मध्ये दोनदा टाकणार कॅशलोकमत विशेषअमरावती : विजयादशमी, चौथा शनिवार आणि रविवारी जिल्ह्यातील बँका बंद राहणार असल्याने मोठ्या प्रमाणावर आर्थिक उलाढाल ठप्प राहणार आहे. आता थेट शुक्रवारीच बँकांचे कामकाज सुरू होईल. त्यामुळे बँकांमधील क्लिअरिंगचे कामकाज प्रभावित होणार आहे. केवळ एटीएमचा वापर होणार असल्याने या कालावधीत दोन वेळा एटीएममध्ये रकमेचा भरणा करण्याच्या अग्रणी बँकेच्या सूचना आहेत. सध्या सण-उत्सवाच्या कालावधी असल्याने आर्थिक उलाढाल मोठ्या प्रमाणावर होत आहे. मात्र, तीन दिवस बँका बंद राहणार असल्याचा फटका अर्थचक्राला बसणार आहे. आॅक्टोबर व नोव्हेंबर हे दोन महिने प्रामुख्याने सण-उत्सवाचे महिने म्हणून ओळखले जातात. चालू आठवड्यात सलग सुट्या नसल्या तरी विजयादशमी असल्याने जिल्ह्यातील सर्व बँका बंद राहणार आहेत. शुक्रवार २३ आॅक्टोबरला बँका सुरू राहणार असल्या तरी २४ आॅक्टोबरला चौथा शनिवार व २५ आॅक्टोबरला रविवार असल्याने बँका बंद राहतील.विजयादशमीचा मुहूर्त असल्याने बाजारपेठेत मोठ्या प्रमाणात आर्थिक उलाढाल होत असते. मात्र, बँका बंद राहणार असल्याने अर्थचक्राची मदार ‘एटीएम’वर राहणार आहे. यासाठी तीन दिवसांत बँकांना ‘एटीएम’मध्ये दोन दिवस रकमेचा भरणा करावा लागणार आहे. सलग सुट्या आल्यास एका सुटीचे समायोजनबँकांना सलग तीन दिवस सुटी आल्यास एका सुटीचे समायोजन केले जाते. १८८१ च्या परक्राम्य लेखा अधिनियमानुसार ती समायोजित करतात. त्यामुळे बँकांंना सलग तीन दिवस सुटी राहू शकत नाही. यावर्षी दसऱ्यानंतर दुसऱ्या दिवशी बँका सुरू राहणार असल्याने सुटी समायोजित करण्याची गरज पडली नाही. जिल्ह्यात बँकांच्या ३२३ शाखाजिल्ह्यात राष्ट्रीयीकृत, ग्रामीण व सहकारी बँकांच्या ३२३ शाखा आहेत. यामध्ये अलाहाबाद ३, आंध्रा २, बँक आॅफ बडोदा ५, बँक आॅफ इंडिया ११, बँक आॅफ महाराष्ट्र ४१, कॅनरा ३, सेंट्रल बँक ४६, कॉर्पोरेशन बँक १, देना बँक ७, आयडीबीआय बँक ४, इंडियन ओव्हरसीज बँक ३, ओरीएंटल बँक आॅफ कॉमर्स १, पंजाब नॅशनल २, स्टेट बँक आॅफ हैद्राबाद १, एसबीआय ५३, सिंडीकेट बँक २, युको बँक २, युनियन बँक आॅफ इंडिया ९, विजया बँक १, एक्सीस बँक ४, एचडीएफसी बँक ६, आयसीआयसीआय ५, रत्नाकर बँक १, विदर्भ कोकण ग्रामीण बँक ७ व जिल्हा सहकारी बँकेच्या ९४ शाखा तीन दिवस बंद राहणार आहेत. सर्व एटीएममध्ये पूर्ण क्षमतेएवढी रक्कम भरण्यात आलेली आहे. तीन दिवसांत दोन वेळा पुन्हा रक्कम भरण्यात येणार आहे. -अनंत खोरगडे, व्यवस्थापक, अग्रणी बँक