पान ३ साठी
पॅनल सोडून गेलेल्या सदस्यांनी मिळविली दोन्ही पदे
ब्राह्मणवाडा थडी : चांदूरबाजार तालुक्याच्या राजकारणामध्ये महत्त्वाची भूमिका बजावणाºया ब्राह्मणवाडा थडी ग्रामपंचायतमध्ये सरपंच उपसरपंचपदाच्या निवडणुकीमध्ये नाट्यमय घडामोडी घडल्या. सुरूवातीला बहुमतामध्ये असणाºया शेतकरी शेतमजूर पॅनलला दहा हे संख्याबळ कायम राखण्यात अपयश आल्याने त्यांना सरपंच व उपसरपंच पदाने हुलकावणी दिली. विरोधी पॅनेलने दोन सदस्य आपल्याकडे खेचल्याने सरपंच व उपसरपंच अशी दोन्ही पदे त्यांच्याकडे गेली.
१७ सदस्यीय ब्राह्मणवाडा थडी ग्रामपंचायतमध्ये शेतकरी शेतमजूर पॅनलचे दहा सदस्य विजयी झाले होते तर ग्रामविकास पॅनलचे सहा सदस्य तर, एक जण स्वतंत्र उमेदवार म्हणून निवडून आला. निवडणूक निकालानंतर नंदकिशोर वासनकर, राजेंद्र उल्हे, विलास दामेधर यांनी एकत्र येऊन शेतकरी-शेतमजूर पॅनलच्या दोन सदस्यांना आपल्याकडे खेचण्यात यश मिळविले. त्या दोन्ही सदस्यांना सरपंच- उपसरपंच पद दिले. यामुळे शेतकरी शेतमजूर पॅनलचे संख्याबळ दहावरून आठवर घसरल्याने त्यांना सरपंच-उपसरपंच पदाच्या निवडणुकीमध्ये पराभव स्वीकारावा लागला. या निवडणुकीमध्ये सरपंचपदी वंदना गवई तर, उपसरपंच अतुल दारोकर यांची निवड झाली. सत्ताधारी गटातील सदस्यांमध्ये नंदकिशोर वासनकर, राजेंद्र उल्हे, वैभव दाभाडे, अस्मिता चर्जन, वैशाली इंगोले, सुषमा तायडे, सोबिया धुर्वे यांचा समावेश आहे.