अमरावती : टीबी आजाराला कंटाळून एका इसमाने लोखंडी सिडीला दोरीच्या साह्याने गळफास घेऊन आत्महत्या केली.
दिनेश वामन डुकरे (५४ रा. कक्कड लेआऊट, साईनगर) असे मृताचे नाव आहे. महिलेच्या तक्रारीवरून राजापेठ पोलिसांनी आकस्मिक मृत्यूची नोंद केली आहे.
---------------------------------------
शासकीय तंत्रनिकेतन विद्यालयात चोरी
अमरावती : गाडगेनगर पोलीस ठाण्याच्या हद्दीतील शासकीय तंत्रनिकेतन विद्यालयातील विद्युत विभागाच्या खिडकीचे ग्रिल तोडून चोरांनी १२ हजार ६८८ रुपयांचे साहित्य लंपास केले. ही घटना शुक्रवारी उघडकीस आली. महिलेच्या तक्रारीवरून गाडगेनगर पोलिसांनी अज्ञात आरोपीविरुध्द गुन्हा नोंदविला. घटनेचा प्राथमिक तपास एपीआय सोळंके यांनी केला.
-------------------------------------------
सेवानिवृत्त शिक्षकाच्या बॅगमधून ४१ हजार लंपास
अमरावती : ऑटो प्रवासी एका सेवानिवृत्त शिक्षकाच्या बँकेतून महिला चोरांनी ४१ हजार ५०० रुपये रोख लंपास केली. ही घटना शेगाव नाका ते कठोरा नाका दरम्यान शुक्रवारी घडली. हरिभाऊ लक्ष्मण ढेंगळे (रा. महेंद्र कॉलनी) यांच्या तक्रारीवरून गाडगेनगर पोलिसांनी अज्ञात महिलांविरुध्द गुन्हा नोंदविला.