वलगाव (अमरावती) : क्षुल्लक कारणावरून एका युवकाला अश्लील शिवीगाळ करण्यात आल्याची घटना आपली वाडी कृषी पर्यटन केंद्र येथे बुधवारी घडली.
याप्रकरणी आरोपी विनोद पंजाबराव खोरगडे (४०, रा. बाजारपुरा, वलगाव) याच्याविरुद्ध सचिन प्रकाश किलोरे (३२, रा. स्वावलंबीनगर, अमरावती) यांच्या तक्रारीवरून वलगाव पोलिसांनी गुन्हा नोंदविला.
------------------------------------------------------
युवकावर रॉडेने मारून हल्ला
अमरावती : क्षुल्लक कारणावरून एका अल्पवयीन मुलास तिघांनी संगनमत करून रॉडने मारहाण करून जखमी केल्याची घटना गाडगेनगर ठाण्याच्या हद्दीतील बनकर हॉस्पिटलजवळ मंगळवारी घडली. याप्रकरणी गाडगेनगर पोलिसांनी तिघांविरुद्ध भादंविचे कलम ३२४, ३४ अन्वये गुन्हा नोंदविला. फिर्यादी हा आजोबांना भेटण्याकरिता अमरावतीला येथे आला होता. नवसारी येथे जात असताना तिघांनी फिर्यादीसोबत असलेल्या मित्राला मारहाण केली.
-------------------------------------------------------
खारतळेगावात अवैध जुगार पकडला
भातकुली (अमरावती) : वलगाव ठाण्याच्या हद्दीतील खारतळेगाव येथे पोलिसांनी वरली-मटका जुगारावर धाड टाकून जुगार साहित्यासह मुद्देमाल जप्त केला. ही कारवाई बुधवारी करण्यात आली. याप्रकरणी पोलिसांनी आरोपी वासुदेव दत्ताजी गाडे (५०, रा. खारतळेगाव) याच्याविरुद्ध गुन्हा नोंदविला.
---------------------------------------------------