अमरावती : कोरोनाकाळात आशा वर्करची भूमिका फार महत्त्वाची आहे. जिवावर उदार होऊन रोज कामे करीत असल्याने या कर्मचाऱ्यांना किमान ३०० रुपये भत्ता देण्याची मागणी भीम ब्रिगेडने महापालिका आयुक्तांना निवेदनाद्वारे केली.
सद्यस्थितीत आशा वर्कर यांची नेमणूक लसीकरण केंद्रांवर करण्यात आलेली आहे. या ठिकाणी येणाऱ्या प्रत्येक व्यक्तीची नोंदणी, ज्येष्ठ नागरिकांना आधार देऊन लसीकरणासाठी आणणे, वेळ असल्यास बसावयास लावणे ही कामे करीत सकाळी ९ ला आलेली आशा वर्कर सायंकाळी ७ वाजता घरी जाते. त्यांच्या जोडीला असलेल्या शासकीय कर्मचाऱ्यांना पूर्ण वेतन देण्यात येत आहे. एएनएम यांना ५०० रुपये रोज व संगणक ऑपरेटरला ३९० रुपये दैनंदिन भत्ता असताना आशा वर्कर अल्पसे मानधन घेतात. त्यामुळे त्यांना रोजचे किमान ३०० रुपये देण्यात यावे, असी मागणी भीम ब्रिगेडचे अध्यक्ष राजेश वानखडे यांनी निवेदनाद्वारे केली.