करजगाव : येथील खेल महाल शिवारातील शेतातून सागवानचोरी करणाऱ्या चोरट्यांना शिरजगाव पोलिसांनी अटक केली. तानु शलिकराम जावरकर ( ३५), लक्ष्मण जवरू जावरकर (३०, दोन्ही रा. लामघटी, मध्य प्रदेश) अशी अटक करण्यात आलेल्या आरोपींची नावे आहेत.
देविदास म्हाला (५०, रा. करजगाव) यांनी शेतातून पाच सागवान झाडे कापून नेण्यात आल्याची तक्रार १२ सप्टेंबर रोजी दाखल करण्यात आली होती. शिरजगाव पोलिसांनी तपास सुरू केला असता या दोघांना अटक करून २० हजारांची सागवानाची चार लाकडे व गुन्ह्यात वापरलेली दुचाकी असा ४० हजारांचा मुद्देमाल जप्त केला. ही कारवाई पोलीस अधीक्षक हरी बालाजी एन., अप्पर पोलीस अधीक्षक श्याम घुगे, उपविभागीय पोलीस अधिकारी पोपटराव अब्दागिरे, ठाणेदार दीपक वळवी यांच्या मार्गदर्शनात पोलीस उपनिरीक्षक रणजितसिंह ठाकूर, सहायक पोलीस निरीक्षक सतीश पुनसे, हेडकॉन्स्टेबल संजय वंजारी, नाईक अमोल कपले, कॉन्स्टेबल अमोल नंदरधने, चालक नंदराम यांनी केली.