ढोल-ताशांच्या निनादात ‘ती’च्या गणपतीला निरोप..

लोकमत कार्यालयातील ‘ती’च्या गणपतीला गुरूवारी ढोल-ताशांच्या निनादात थाटात निरोप देण्यात आला

ढोल-ताशांच्या निनादात ‘ती’च्या गणपतीला निरोप.. : लोकमत कार्यालयातील ‘ती’च्या गणपतीला गुरूवारी ढोल-ताशांच्या निनादात थाटात निरोप देण्यात आला. विघ्नहर्त्याची निरोपाची आरती अंबानगरीच्या प्रथम नागरिक महापौर चरणजीतकौर नंदा यांच्या हस्ते केल्यानंतर विसर्जन मिरवणुकीला थाटात प्रारंभ झाला. यावेळी तुषार वरणगांवकर यांच्या नेतृत्वातील छत्रपती ढोल-ताशा पथकाच्या रंगतदार वादनाने आसमंत निनादला होता. लोकमतच्या कर्मचाऱ्यांंसह सखीमंचच्या सदस्यांनी धम्माल नृत्य केले. छत्रपती ढोल-ताशा पथकाच्या लयबद्ध वादनाचा आस्वाद घेण्याकरिता बघ्यांची गर्दी उसळली होती. वाहनधारकांनी तसेच पादचाऱ्यांनी थांबून मिरवणुकीचा जल्लोष मोबाईलमध्ये टिपला. त्यानंतर ‘पुढच्या वर्षी लवकर या’ च्या गजरात गणरायाला निरोप देण्यात आला.